Sulisut

Marie Louise piginnittoq, eqqartuussissuserisoq. København universitetimi 2013-imi inatsisilerituunngorpoq, 2017-imilu eqqartuussissuserisunngorluni. Marie Louise suliffeqarfinnut siunnersuisutut immikkut ilisimasaqarpoq, aammalu eqqartuussinermi suliaqarnermi immikkut ilisimasaqarluni.

Marie Louise eqqartuussissuserisuni misilittagaqarluarpoq, nunani allani ajunngitsuliornermik aaqqissuussat misilittagaqarfigivai, aammalu 2023-mili SIKUKI A/S-imi siulersuisuni ilaasortaalluni. 

Ilisimatusarfimmi Civilproces-imi ilinniartitsisuuvoq, illersuisunngorniat eqqartuussissuserisunngorniallu eqqartuussivimmi inaarutaasumik misilitsinnerini nalileeqataasarpoq, aammalu Kalaallit nunaanni eqqartuussiveqarfiup siunnersuisoqarfianiit ilaasortatut toqqagaanikuulluni.

Sika Nuummi inunngorlunilu peroriartorpoq, Aalborg universitetimi 2019-imi naammassilluni, eqqartuussissuserisutullu 2025-mi naammmassilluni, aammalu 2025-imi Frederiksen Law-imi sulilerluni. 

Sika namminersornerullutik oqartussani, allaffimmilu allami eqqartuussissuserisuni misilittagaqarluarpoq, taamaattumillu Kalaallit nunaanni eqqartuussiveqarnerup ingerlariaasaanik ilisimasaqarluarluni. 

Taakkua saniatigut, inatsisitigut siunnersortiffissaq Ikiu-mi siulersuisunut ilaasortaavoq, aammalu 2026-mi ineqarneq pillugu maalaaruteqarfimmut sinniisutut toqqagaanikuulluni.

Thomas Aarhus universitetiani 2002-mi inatsisilerituunngorpoq, Frederiksen Law-imi 2021-mi sulilerpoq, eqqartuussissuserisunngorlunilu 2024-mi.

Thomas namminersornerullutik oqartussani misilittagaqarpoq, Kalaallit nunaannilu kommuneqarfinni misilittagaqarluni. Thomas pinerluttulerinermi 2008-miit illersuisuusimavoq, aammalu piginneqatigiilluni inissiaatillit peqatigiiffinni misilittagaqarluni. Ineqarneq pillugu maalaaruteqarfimmi 2021-mi aalajangiisartutut toqqarneqarpoq, 2017-imiillu 2024-imut Ikiu-mi inatsisitigut siunnersuisartuulluni.

Sofie Malou Nuummi inunngorlunilu peroriartorpoq, eqqartuussissuserisunngorniarluni august 2025-imi sulilerpoq. 

Sofie Malou Nuummi ilisimatusarfimmi bacheloreqarpoq, Aalborgillu ilisimatusarfiani ilinniarnini juni 2025-mi naammassillugu. Suliassat assigiinngittut suliarisarpai, ilaqutariinnermut, pinerluttulerinermi aammalu atorfinitsitsinermi inatsisilerinermi misilittagaqarpoq.

Nukaaka Kalaallit nunaanni inunngorlunilu peroriartorpoq, inatsisitigut suliassanik isumaginnittutut december 2025-mi atorfinilluni. 

Pingaarnertut illunik ininillu tuniniaanermi pisinermilu suliaqarlunilu siunnersuisuusarpoq, aamma taarsiivigitinnissamut suliassat isumagisarpai, aammalu akuersiteqqaaratik naartunaveersaaserneqarsimasut ajunngitsorsiassinneqarnissaannut suliaq ingerlallugu.

Tia Frederiksen Law-imi August 2025-imi ilinniartutut aallartippoq. 

Tia Ilisimatusarfimmi Nuummi ilinniarnini ingerlappaa Bacheloritullu 2026-imi naammassissalluni. 

Allaffissornerit ingerlattarpai aammalu allaffimmi eqqartuussissuserisut suliaannik ikiuuttarluni. 

Pilunguak Kalaallit nunaanni inunngorlunilu peroriartorpoq.

Novemberimi Frederiksen Law-imi aallartippoq, inatsisilerituutut atuarnermi saniatigut allaffimmi sulisarluni. 

Akuersiteqqaaratik naartunaveersaasersorneqarsimasunut tunngasut aallunneruai, saaffiginnissutilli aamma ingerlattarlugit. 

Taakkua saniatigut eqqartuussissuserisut suliaanik ikiuuttarpoq. 

Sabrina ilinniarnermi saniatigut januar 2026-mi sulilerpoq, ukioq siullerlu Ilisimatusarfimmi ingerlallugu. 

Eqqartuussissorisunut oqilisaassilluni allaffissornerit assigiinngittut suliarisarpai, ilaatigut taarsiivigitinnissamut inissiamik pisinermi tuniniaanermilu suliassat, aammalu akuersiteqqaaratik naartunaveersaasersorneqarnikut ajunngitsorsiassinneqarnissaannut suliaq ingerlatsitseqataaffigalugu. 

Lilly aggustip aallaqqaataani eqqartuussissuserisunngorniarluni allaffitsinni Frederiksen Law-mi atorfinippoq.

Lilly Ilisimatusarfimmi inatsisilerituutut ilinniarsimavoq, kandidatinilu 2026-mi juunimi naammassillugu. Lilly Nuummi peroriartorpoq, kalaallisut, danskisut tuluttullu oqaaseqartuulluni.

Lilly siusinnerusukkut politiini stud.jur.-itut sulisimavoq, ilaatigut unnerluussisussaatitaasut immikkoortortaanni. Tamatuma kingorna juridisk sagsbehandleritut, juridisk konsulentitut eqqartuussissuserisunngorniartutullu advokateqarfinni allani misilittagaqarpoq.

Frederiksen Law-mi Lilly pingaartumik atorfinitsitsinermut inatsimmut, taarsiiffigineqarnissamut tunngasunut ilaqutariinnermullu inatsimmut suliaqarpoq. Aamma suliassanik allanik, inuttut pisinnaatitaaffinnut inatsisitigullu inissisimanermut tunngasunik suliaqartarpoq.

Septemberip aallaqqaataani Arnaq atorfinippoq, allaffissornerit, illunik inissianillu pisinermi tuniniaanermilu akisussaasuussalluni. Arnaq suliassanik isumaginninnermi, pilersaarutinik ataqatigiissaarinermi, aammalu takornarianik sullissinermi misilittagaqarpoq.

Suliffiup saniatigut januaari 2026 aallarnerfigalugu eqqartuussisooqataasartutut peqataasalerpoq. Tamanna akisussaassuseqarnermik, ataqatigiissaarinermik aammalu nipangersimasussaatitaanermik misilittagaqarfigereerlugit.

Arnaq sullissinermut misilittagaqarluartuuvoq aammalu assigiinngitsunik tunuliaqutaqarluni. Kiffartuussinerup pitsaasuunissaa pingaartipparput, aammalu sullitat suleqatigisallu tamarmik inussiarnersumik, ataqqinnittumik aammalu professionelimik naapinneqarnissaat pingaartillugu.