Eqqartuussissuserisut suliaat tamarmik suliffeqarfiup piumasaqaatai malillugit suliarineqartarput. Eqqartuussissuserisoq Marie Louise Frederiksenip piumasaqaatit atorlugit sullitani sullittarpai, sullitai allamik isumaqatigiissuteqareersimanngikkunik.
Eqqartuussissuserisoq sullissinermini suliassaq nassuiartarpaa sullitani ilagalugu, taamatut suleqatigiilluarneq anguneqartarpoq. Suliaq ataatsimik imaluunniit arlalinnik eqqartuussissuserisup suliaanik imaqarsinnaavoq suliaq ataatsimut imaluunniit suliat amerlanerusunut. Suliassaq suliarineqarnissaanut paasititsissutigineqarumaarpoq suliassaq qanoq ittuussanersoq taavalu eqqartuussissuserisup sorleq suliariumaarneraa.
Suliassaq annertussusaa aallavigalugu aki aalajangerneqarumaarpoq. Sullissinermi suliaq ataqatigiissaarnerani, suliami akisussaaffik, suliap pingaassusaa, piffissaq suliamut atorneqarnera aammalu suliap inernera. Moms akiliinermi ilaaneq ajorpoq.
Aaliangersimasumik naatsorsuisarpugut, sullitaq isumaqatigalugu. Naliginnaasumik suliaq naammassigaangat akiligassat nassiuttarpagut. Akiligassap nassiunneqarneraniit ullut arfineq-pingasut qaangiutsinnagit akileereernissaq piumasaqaataavoq. Kingusinaarluni akiliinermi erniat atuutsilertappagut erniat inatsisaat malillugu.
Akiligassap saniatigut sullitap aamma aningaasartuutit akiliussassallu isumagissavai, suliap ingerlannerani takkuttoqarsimassappat, aammattaaq assersuutigalugu eqqartuussinermi akiligassat, akitsuutit, angalanermi akiligissat, kopeerinermi akiligassat nassiussinermilu akiligassat sullitap akilertussaavai. Apeqqutaajuaannarpoq suliap qanoq annertutiginera sullitarlu siusinaarluni akileereernikuunersoq. Eqqartuussissuserisoq Marie Louise Frederiksen sulisuilu tamarmik, suliakkiissutit tamarmik piumasaqaatit adfærd og etik i retsplejelovens regler om advokater og Advokatrådets advokatetiske regler-meersut malittarpaat.
Eqqartuussissuserisoq Marie Louise Frederiksen-nimi sulisut tamarmik nipangersimasussaatitaapput sulianut tunngatillugu, suliap imarisaa oqaatigeqqusaappat aatsaat ingerlatitseqqiisinnaallutik. Mianersornissamut ingerlatseriaasinik allaffeqarfik peqarpoq nipangersimasussaatitaaneq malinniarlugu.
Suliaq naammassigaangat sullitap suliamut uppernarsaatit tamarmik tigusarpai. Allagaatit suliamullu paasissutissat ukiut tallimat allaffimmi paarineqartarput, suliap naammassereerneraniit.
Sullitamut atortut tamarmik Advokatsamfundets regler malillugit suliarineqartarput, sullitarlu immikkut kontomik sanaqquneqartarluni. Sullitap kontoani erniat Advokatsamufundets regler malillugu isumagineqartarput.
Suliassat interessekonfliktillit tiguneq ajorpagut. Suliamik aallartitsinnginnermi interessekonflikt nalaatinnginnissaa misissoqqaartarparput. Tamanna nalaanneqaraangat eqqartuussissuserisumik allamik innersuussisarpugut.
Eqqartuussissuserisoq inatsisitigut akisussaanermut sillimmateqarpoq. Sillimmasiisarfiup killingititaanut eqqartuussissuserisoqarfiup taarsiisinnaanera killeqarpoq. Sullitat soqutiginnikkunik paasiniaasinnaapput sillimmasiineq qanoq annertutigisarnersoq. Sullitaq annertuumik suliakkiissappat sillimmasiineq allisinneqarsinnaavoq.
Akisussaaffigisat killeqarput:
Toqqaannanngitsumik annaasaqarnerit, assersuutigalugu ingerlatsinermi annaasat, piffissamik annaasat, iluanaarutit annaasat, data annaasat, tutsuiginninnermik annaasat. akiligassat privatini pisortanilu atorfinni akisussaaffimmi ilaanngillat. Aammalu akisussaaffimmi ilaanngillat allanit siunnersortinnerni akiligassat sullitamut innersuussimasat. Akiligassat sillimmasiinermiit annertunerusut akisussaaffimmi aamma atuutinngillat. Ajutoornerni malittarisassat tamarmik malinneqassapput apeqqutaanani inuk ataaseq arlallilluunniit ajutoornersut.
Sullitap pisussaaffigaa allaaserisat tamarmik atorsinnaanissai, eqqartuussisup suliap ingerlanerani atorsimasai, kisianni eqqartuussissuerisup allaaserisat tigummisussaallugit.
Sullitaq pisussaaffeqarpoq allagaatit tamarmik atorsinnaassallugit, eqqartuussissuserisulli allagaatit pigissavai, pisinnaatitaaffeqarfigalugillu. Tamanna allagaatinut tamamut aamma tigussaanngitsunut atuuppoq.
Eqqartuussissuserisoq Marie Louise Frederiksen Advokatsamfundet og brancheforeningen Grønlandske advokater ilaasortaaffigaa. Isumaqatigiinngissutit Eqqartuussissuserisoq Marie Louise Frederiksenip periusaanut eqqartuussissuserinermut attuumassutillit Advokatnævnimi suliarineqartarput. Naammagittaaliorniaraanni Advokatnævnimut, kronprinsesse 28, 1306 København K, Danmark-mut allagaqarluni imaluunniit klagesagsafdelingen@advokatsamfundet.gl -mut mailertoqarsinnaavoq. Paasissutissat allat uani nassaarineqarsinnaapput: https://www.advokatsamfundet.dk/advokatnaevnet/